Ոչ ոք չի կարող ղարաբաղցուն ասել մի գնա քո հայրենիք, մենք ընդամենը ուզում ենք անկեղծ լինեք այդ մարդկանց հետ և ասեք, որ հայրենիք գնալը նշանակում է գնալ Ադրբեջան՝ Ադրբեջանի օրենքներով, Ադրբեջանի քաղաքացու կարգավիճակով, Ադրբեջանի դրոշի ներքո, առանց որևէ երաշխիքի: Այս մասին Ազգային ժողովում ասել է ՔՊ-ական պատգամավոր Արուսյակ Ջուլհակյանը։
«Ինքներդ շատ լավ գիտեք, որ որևէ երաշխիք չի կարող լինել, այլ հարց՝ որ այդ կոնտեքստում խոսում եք ինչ-որ 300,000 ադրբեջանցիների վերադարձի և նրանց անվտանգության երաշխիքների մասին: Ադրբեջանցինե՞ր եք հրավիրում Հայաստան, ու երաշխավորնե՞ր եք իրենց համար ուզում ՀՀ բերել:
Հենց այս խոսակցությունը չունենալու համար է, որ ասում ենք՝ մեր Կառավարությունը չի խոսելու ու չի բանակցելու ղարաբաղցիների վերադարձի հարց Լեռնային Ղարաբաղ: Դա կարծում եմ շատ պարզ է, այդտեղ որևէ բան չկա»,- նշել է նա:
