Քենթրբերիի նոր արքեպիսկոպոս է նշանակվել Սարա Մալալին. նա կդառնա 1,400 տարվա մեջ առաջին կինը, որը կզբաղեցնի այս պաշտոնը։ Այս մասին ասված է Մեծ Բրիտանիայի վարչապետ Քիր Սթարմերի հայտարարության մեջ։
«Ես ողջունում եմ Նորին Սրբություն հարգարժան տիկին Սարա Մալալիի նշանակումը որպես Քենթրբերիի նոր արքեպիսկոպոս և առաջին կինն այս պաշտոնում»,- ասված է հաղորդագրության մեջ։
Քենթրբերիի արքեպիսկոպոսը Անգլիկան եկեղեցու և ողջ Անգլիկան համայնքի հոգևոր առաջնորդն է, որն ամբողջ աշխարհում միավորում է շուրջ 85 միլիոն հավատացյալի։ Արքեպիսկոպոսի աթոռանիստը գտնվում է Քենթրբերիում՝ Սուրբ Օգոստինոսի տաճարում։
Ավելի քան 35 տարի Սարա Մալալին աշխատել է Առողջապահության ազգային ծառայությունում։ 1999 թվականին, 37 տարեկան հասակում, Մալալին նշանակվել է Անգլիայի գլխավոր բուժքույր՝ դառնալով պատմության մեջ այդ պաշտոնը զբաղեցրած ամենաերիտասարդ կինը։
