Skip to main content

Գեղամ Նազարյանը ներողություն կխնդրի. դատարանը պարտավորեցրել է | Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից. Նարեկ Կարապետյան | Սպասվում է անձրև. ջերմաստիճանը 3-5 աստիճանով կնվազի | ՏԵՍԱՆՅՈՒԹ. Վաղը պաշտոնապես կազդարարենք TRIPP նախագծի մեկնարկը․ Նիկոլ Փաշինյան | ՏԵՍԱՆՅՈՒԹ. Դավիթ Համբարձումյանը պատասխանում է ընտրողների հարցերին | Հայաստանի քարտեզը չի կարող ամբողջական համարվել, քանի դեռ ադրբեջանական զորքը գտնվում է մեր ինքնիշխան տարածքում. Մարիաննա Ղահրամանյան | Գրիշա Սարգսյանը Տաշքենդում ընթացող միջազգային մրցումներում 2 ոսկե մեդալ է նվաճել | Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն | Ըստ ՆԳՆ-ի՝ նոր սերնդի անձնագիրը Հայաստանի այցեքարտն է աշխարհում (Տեսանյութ) | Պռոշյան գյուղում «Mercedes»-ը բшխվել է գովազդային վահանակի երկաթե սյանը․ կան վիրավnրներ | Զինվորականի համազգեստը, ուսադիրները, պատիվը խայտառակ անողները դարձել են բանակի դեմքն ու հրաման տվողները․ Տիգրան Աբրահամյան | Երբ իշխանությունը քաղաքական առաջարկներ է ներկայացնում, լավն են, վատն են՝ կարևորը դա չէ, ֆորմալ ընդդիմությունը, բացի մերժելուց, պետք է իր քաղաքական առաջարկները ձևակերպի․ Վահե Հովհաննիսյան | Մայր Աթոռում տեղի է ունեցել շքանշանների հանձնման արարողություն | Հայաստանի ոչ մի ղեկավար երբևէ իրեն թույլ չի տվել ժողովրդի առջև հանդես գալ նման գռեhիկ պահվածքով. Լևոն Տեր-Պետրոսյանը՝ Փաշինյանի մասին | Դիմել եմ կոռուպցիայի կանխարգելման հանձնաժողով՝ պահանջելով ուսումնասիրել վարչապետի վարքագիծը և գնահատական տալ. Թագուհի Թովմասյան

Լրահոս

Հայկ Սարգսյանին կանչել են վարչություն՝ «հաշիվ պահանջելու»

Այս շաբաթվա սկզբին՝ ապրիլի 6-ին, ԱԺ պաշտպանության և անվտանգության հարցերի մշտական հանձնաժողովի նիստում, ապա լրագրողների հետ ճեպազրույցում ՔՊ խմբակցության պատգամավոր Հայկ Սարգսյանի հայտարարությունները խիստ վրդովեցրել են իշխող խմբակցությանը, կառավարության անդամներին՝ Նիկոլ Փաշինյանի գլխավորությամբ։ Անմիջապես հաջորդ օրը՝ ՔՊ վարչության նիստում, NEWS.am-ի տեղեկություններով, Սարգսյանին կանչել են՝ «հաշիվ պահանջելու» հնչեցրած գնահատականների համար։

Հիշեցնենք, որ ՔՊ-ական պատգամավորի «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու մասին օրինագիծն անցած երկուշաբթի հանձնաժողովում երկրորդ անգամ տապալվեց: Իշխող կուսակցության անդամները նախագծին դեմ քվեարկեցին: Սարգսյան առաջարկում էր փողի դիմաց կարճ ծառայել կամ չծառայել։ Ուշագրավ է, որ անցած տարի կառավարության նիստում այն հավանության էր արժանացել, բայց ԱԺ հանձնաժողովում կրկին մերժվել էր։

Այս անգամ Հայկ Սարգսյանն ավելի մարտական էր տրամադրված։ Ուղիղ մեղադրեց հանձնաժողովի նախագահ Անդրանիկ Քոչարյանին՝ իր նախագիծը տապալելու համար, անուղղակի քննադատության թիրախներ ուղղեց Ալեն Սիմոնյանին և բաց տեքստով խիստ հանդիմանեց Սուրեն Պապիկյանին՝ բանակում տիրող իրավիճակի և լուրջ բացթողումներ համար։

Հանձնաժողովի նիստի հաջորդ օրը պաշտպանության նախարարությունը հայտարարությամբ պատասխանեց Պապիկյանի թիմակցին՝ բանակին առնչվող նրա գնահատականներն ապատեղեկատվություն որակելով։ Իսկ արդեն նույն օրը՝ երեկոյան, Հայկ Սարգսյանին վարչությունում են, մեր տեղեկություններով, լուրջ հարցաքննության ենթարկել՝ յուրաքանչյուր հայտարարության վերաբերյալ կոնկրետ հիմնավորումներ պահանջելով։ Թիմակիցներից շատերին նաև լուրջ նյարդայնացրել է Սարգսյանի՝ խմբակցության փակ նիստից որոշ մանրամասներ հրապարակելու հանգամանքը։ Մասնավորապես, երբ նախագիծը խմբակցության հետ փակ քննարկվել է, ըստ Սարգսյանի, իր թիմակիցները նրան ասել են․ «Վարչապետով մեզ սպառնո՞ւմ ես, գալիս, ասում ես՝ վարչապետը կողմ է նախագծին, կողմ քվեարկեք, վերքս վարչապե՞տ ես բերում»։

Հինգշաբթի Փաշինյանը Հայկ Սարգսյանի վերաբերյալ NEWS.am-ի հարցին ի պատասխան ասաց․ «Մարդիկ, ովքեր նման հայտարարություններ են անում ու պարզվում է դրանք սխալ են, պետք է նույնքան քաղաքական կամք ունենան ասելու՝ ժողովուրդ, ինչի մասին խոսում էի, այդքան էլ այդպես չէ»։ Հատկանշական է, որ ավելի վաղ Փաշինյանը շատ ավելի կոշտ էր արձագանքել Սարգսյանին՝ նրան մեղադրելով հնարավոր կոռուպցիոն գործարքների մեջ։ «ՔՊ-ն իր անդամների ոչ կանոնավոր, կոռուպցիոն տեսանկյունից խնդրահարույց գործողությունները չի հանդուրժելու»,- ասել էր նա։

Ի դեպ, Հայկ Սարգսյանի և թիմակիցների հակասությունները նոր չեն, դրանց պատճառով էր նաև, որ Հայկ Սարգսյանին վարչության անդամները մերժեցին ընդգրկել նախընտրական ցուցակ։

Facebook
Twitter

Կարդացեք նաև

Տեսանյութեր

Մամուլ

Օրացույց

Նոյեմբերի 2026
Ե Ե Չ Հ Ու Շ Կ
 1
2345678
9101112131415
16171819202122
23242526272829
30