Մեզ պետք է նոր առաջնորդ, որը միայն ուրախ օրեր կպարգևի մեր երկրին։ Այս մասին ֆեյսբուքյան իր էջում հայտարարել է «Ուժեղ Հայաստան» կուսակցության անդամ Գոհար Ղումաշյանը։
Գոհար Ղումաշյանը այսօր վաղ առավոտյան տեղի ունեցած ավտովթարի առնչությամբ իր մտահոգություններն ու քննադատությունն է հնչեցրել։
Նա ցավալի է համարել այն փաստը, որ միջադեպից հետո «ուրախ ավտոբուսը» շարունակել է իր ճանապարհը՝ անտեսելով կատարվածը։ Ղումաշյանի պնդմամբ՝ Փաշինյանի կառավարման շրջանը զուգորդվել է բացառապես կորուստներով և մահերով։
«Որպես քաղաքական գործիչ՝ Փաշինյանը միայն մահեր է բերել՝ մարտի 1-ից սկսած, Արցախի կորուստը, հազարավոր զինվորներ, հղի կնոջ՝ Սոնա Մնացականյանի մահը։ Դեպքերը շատ են, չենք կարող բոլորը թվարկել, բայց սա խոսում է այն մասին, որ մեր երկրին փոփոխություն է պետք»,- նշել է նա։
Գոհար Ղումաշյանը շեշտել է, որ Հայաստանին անհրաժեշտ է նոր առաջնորդ, որը կկարողանա ծաղկեցնել տնտեսությունը և մարդկանց դեմքին ժպիտ վերադարձնել։ Ըստ նրա՝ այսօր Ազատության հրապարակում կայանալիք «Միասնության համաժողովը» պատմական նշանակություն է ունենալու։
«Սա խոսում է այն մասին, որ մեր երկրին փոփոխություն է պետք։ Մեր երկրին պետք է նոր առաջնորդ, որը միայն ուրախ օրեր կպարգևի մեր երկրին, որը միայն կծաղկացնի տնտեսությունը, որը մարդկանց դեմքին նորից ժպիտբեր կբերի։ Մենք հավատում ենք, որ Սամվել Կարապետյանը կփոխի մեր երկրի պատմությունը և նորից հաղթանակի էջեր կպարգևի մեր հայրենիքին»,- ասել է Ղումաշյանը։
