Skip to main content

Գեղամ Նազարյանը ներողություն կխնդրի. դատարանը պարտավորեցրել է | Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից. Նարեկ Կարապետյան | Սպասվում է անձրև. ջերմաստիճանը 3-5 աստիճանով կնվազի | ՏԵՍԱՆՅՈՒԹ. Վաղը պաշտոնապես կազդարարենք TRIPP նախագծի մեկնարկը․ Նիկոլ Փաշինյան | ՏԵՍԱՆՅՈՒԹ. Դավիթ Համբարձումյանը պատասխանում է ընտրողների հարցերին | Հայաստանի քարտեզը չի կարող ամբողջական համարվել, քանի դեռ ադրբեջանական զորքը գտնվում է մեր ինքնիշխան տարածքում. Մարիաննա Ղահրամանյան | Գրիշա Սարգսյանը Տաշքենդում ընթացող միջազգային մրցումներում 2 ոսկե մեդալ է նվաճել | Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն | Ըստ ՆԳՆ-ի՝ նոր սերնդի անձնագիրը Հայաստանի այցեքարտն է աշխարհում (Տեսանյութ) | Պռոշյան գյուղում «Mercedes»-ը բшխվել է գովազդային վահանակի երկաթե սյանը․ կան վիրավnրներ | Զինվորականի համազգեստը, ուսադիրները, պատիվը խայտառակ անողները դարձել են բանակի դեմքն ու հրաման տվողները․ Տիգրան Աբրահամյան | Երբ իշխանությունը քաղաքական առաջարկներ է ներկայացնում, լավն են, վատն են՝ կարևորը դա չէ, ֆորմալ ընդդիմությունը, բացի մերժելուց, պետք է իր քաղաքական առաջարկները ձևակերպի․ Վահե Հովհաննիսյան | Մայր Աթոռում տեղի է ունեցել շքանշանների հանձնման արարողություն | Հայաստանի ոչ մի ղեկավար երբևէ իրեն թույլ չի տվել ժողովրդի առջև հանդես գալ նման գռեhիկ պահվածքով. Լևոն Տեր-Պետրոսյանը՝ Փաշինյանի մասին | Դիմել եմ կոռուպցիայի կանխարգելման հանձնաժողով՝ պահանջելով ուսումնասիրել վարչապետի վարքագիծը և գնահատական տալ. Թագուհի Թովմասյան

Լրահոս

Որ լավ շրջող լինի, միշտ էլ կարելի է քարուքանդ անել. Փաշինյանը՝ բանակի ու կրթության փոփոխությունների մասին

Վերջին տարիների ամենակարևոր ձեռքբերումը համարում եմ, բնականաբար, խաղաղությունը։ Այս մասին, այսօր՝ ապրիլի 16–ին, ԱԺ–ում ՀՀ կառավարության 2021-2026 թվականների ծրագրի 2025–ի կատարման ընթացքի և արդյունքների մասին զեկույցի քննարկման ժամանակ նշեց ՀՀ վարչապետ Նիկոլ Փաշինյանը։

Երկրորդը հյամարում եմ առողջության ապահովագրության համակարգը և սրանից բխող սոցիալական հատվածում մեր մյուս ձեռքբերումները՝ սկսած կենսաթոշակների շարունակական բարձրացմամբ և հետվճարի համակարգը։ Հաջորդը, երրորդ և յուրաքանչյուր հաջորդ երեխայի աջակցության ծրագիրը, մինչև երկու տարեկան երեխաների խնամքի ծրագիրը, որը բոլոր մայրերին տրվում է մինչև երեխաների երկու տարեկանը լրանալը։

Նաև պետական համակարգում իրականացված փոփոխությունները, մասնավորապես ատեստավորում, բանակում տեղի ունեցած բարեփոխումները, համարում եմ ռազմավարական նշանակության հաջողություն։ Ճիշտ ասած, շատ մեծ հաջողություն եմ համարում կատարողականի գնահատման հիման վրա վարձատրության նոր համակարգի ներդրումը պիլոտային, որը մենք հույս ունենք, որ հաջորդիվ՝ աշնանը կամ գարնանը արդեն օրենսդրական կարգավորումներով կարձանագրենք։

Ընդ որում ես ուզում եմ իմ համոզմունքը հայտնել, որ այս բոլոր հաջողությունները իրենք շրջանաձև են և մեկը մյուսին ոչ թե պայմանավորում են, այլ մեկը մյուսի համար խթան են դարձել»,–ասաց նա։

Հարցին՝ ո՞ր համակարգերն են, որ գործող իշխանության ժամանակահատվածում իրականացրած բարեփոխումները այլևս դարձրել են անշրջելի, այսինքն անկախ քաղաքական իշխանությունից, այդ համակարգերը կայացել են, Փաշինյանը պատասխանեց. «Ես կարծում եմ, մասնավորապես, կրթության ոլորտում ենք մենք այդպիսի փոփոխություններ արել, բանակի ոլորտում և նաև շինարարության ոլորտում, պետական բյուջեի եկամուտների հավաքագրման ոլորտում ենք մենք արել փոփոխություններ, բայց որ լավ շրջող լինի, միշտ էլ կարելի է շրջել։ Ըստ էության, այդպիսի բան չկա, որ հնարավոր չէ շրջել, ցանկացած կառուցած բան հինգ րոպեում կարելի է քարուքանդ անել»։

Փաշինայնը խոստովանեց, որ երկու ոլորտում մեծ հաջողությունների չեն հասել՝ ջրային ոլորտը և արդարադատության ոլորտը. «Այս երկու տեղերում է մենք մեծ պրոբլեմ ունենք, և այդ պրոբլեմները կուտակված են, չեն լուծվում։ Անկեղծ ասած, կարծում եմ, որ դատական համակարգի պրոբլեմների մի զգալի մասը հնարավոր չի լինելու իրականացնել առանց նոր սահմանադրության ընդունման, որովհետև այդ իներցիայով տեղապտույտի վիճակը անընդհատ շարունակվելու է։ Սահմանադրական կարգավորումներ են պետք, որպեսզի այդ շատ արհեստական պատյանները մենք կարողանանք մի կողմ դնել և առերեսվել դատական համակարգում առկա իրավիճակին»։

Facebook
Twitter

Կարդացեք նաև

Տեսանյութեր

Մամուլ

Օրացույց

Նոյեմբերի 2026
Ե Ե Չ Հ Ու Շ Կ
 1
2345678
9101112131415
16171819202122
23242526272829
30