Ադրբեջանի Պետական մաքսային կոմիտեն պարզաբանել է Հայաստանից որպես ներմուծում գրանցված ապրանքների վերաբերյալ տվյալները։
Ինչպես հաղորդում է Minval Politika-ն, կոմիտեից հայտնել են, որ այս տարվա մարտին իրականում Նիդեռլանդների Թագավորությունից ներմուծվել է 960 դոլար արժողությամբ վարդերի խմբաքանակ։
Ադրբեջանական կողմը նշել է, որ բեռը Հայաստանով անցել է տարանցիկ ճանապարհով։ Համաձայն «Արտաքին առևտրի մաքսային վիճակագրության հրապարակման կանոնների» 3.3 կետի՝ ներմուծման վիճակագրությունում գործընկեր երկիր է համարվում այն պետությունը, որի տարածքով իրականացվել է տարանցումը։
Այս հիմքով էլ վարդերը վիճակագրական տվյալներում գրանցվել են որպես Հայաստանից ներմուծված, պարզաբանել են կոմիտեից։
