Իսրայելի իշխանությունները ԱՄՆ-ի հետ քննարկում են Իրանին նոր հարվածներ հասցնելու հնարավորությունը։ Այս մասին հայտնում է ՏԱՍՍ-ը՝ հղում անելով CNN հեռուստաընկերությանը։
CNN-ի աղբյուրի տեղեկություններով՝ Իսրայելը համակարգում է իր գործողությունները ԱՄՆ-ի հետ՝ նախապատրաստվելով Իրանի էներգետիկ ենթակառուցվածքների օբյեկտներին և իրանական իշխանության ներկայացուցիչներին ուղղված նոր հարվածներին։
«Նպատակը կարճատև արշավ իրականացնելն է, որպեսզի Իրանի վրա ճնշում գործադրվի և բանակցություններում հետագա զիջումներ կորզվեն»,- ասել է աղբյուրը։
Ինչպես հավելել է հեռուստաալիքի զրուցակիցը, մարտական գործողությունների վերսկսման որոշումը ցանկացած դեպքում կախված է ԱՄՆ նախագահ Դոնալդ Թրամփից։ Ամերիկյան առաջնորդը, հավելում է հեռուստաընկերությունը, հիասթափված է Իրանի հետ բանակցություններում տիրող փակուղային իրավիճակից, սակայն մտադիր չէ Թեհրանի դեմ լայնամասշտաբ մարտական գործողություններ վերսկսել։
ԱՄՆ նախագահն ավելի վաղ հանդես էր եկել պնդմամբ, թե կանգնած է ընտրության առաջ՝ կա՛մ ընդմիշտ վերջ տալ Իրանին, կա՛մ նրա հետ գործարք կնքել։
