Ագարակը և Մեղրին առաջիկայում ունենալու են տարածաշրջանային և համաշխարհային մակարդակով կենտրոնական դիրք։
«Արմենպրես»-ի հաղորդմամբ՝ նախընտրական քարոզարշավի երկրորդ օրը Ագարակում քաղաքացիների հետ հանդիպման ժամանակ այս մասին հայտարարել է Նիկոլ Փաշինյանը։
Քարոզարշավի երկրորդ օրը Փաշինյանը կուսակիցների հետ նախ այցելել է Բաղաբուրջի հուշահամալիր՝ հարգանքի տուրք մատուցելու բոլոր նահատակների հիշատակին, ապա մեկնել Մեղրի և Ագարակ։
«Ագարակում ի վերջո իրականացվում է «TRIPP» նախագիծը, որը շրջադարձային նշանակություն է ունենալու Ագարակի համար, և 34 տարի ընդմիջումից հետո Ագարակ-Մեղրի երկաթուղին վերագործարկվելու է։ Այս ամենի արդյունքում Ագարակը և Մեղրի խոշորացված համայնքը հայտնվելու են տարածաշրջանային և համաշխարհային մակարդակով կենտրոնական դիրքում»,- հայտարարել է Փաշինյանը։
