Ինչպես խոսք էի տվել ՔՊ-ական թալանչիներին, 9:30 ուղիղ եթերում եմ լինելու և սկսելու եմ բացահայտումների շարքը, ընդունեք հանցագործության մասին հաղորդում, թե ինչպես են ՔՊ-ականները թալանում ժողովրդին։ Այս մասին իր ֆեյսբուքյան էջում ասել է Երևանի ավագանու «Մայր Հայաստան» խմբակցության անդամ Մեսրոպ Մանուկյանը:
«Երևան ավտոբուս ՓԲԸ-ն անցկացնում է մրցույթ, մեկ անձից գնման ընթացակարգով ձեռք է բերում դիզ վառելիք՝ Երևան ավտոբուսի համար։ Բնականաբար շատերդ կասեք, նորմալ է, ձեռք է բերել մարդը, պետք է ավտոբուսները շահագործվեն, բայց թալանչիները ձեռք են բերում դիզվառելիքը՝ մեկ լիտրը 545 դրամով։ Մեկ լիտրի գինը ձեռք են բերել 545 դրամով այն պարագայում, երբ քաղաքի բենզալցակայաններում մեկ լիտր դիզվառելիքը վաճառվում է 510-520 դրամ, այսինքն՝ առաջին քայլով իրենք մոտավորապես 35 դրամ ավելի թանկ են ձեռք բերել:
Հիմա իմ հարցը շատ ուղիղ է, սա թալանչիությու՞ն է, թե ոչ, այդ ընկերությունն ո՞վ է, կարո՞ղ է վերջում պարզվի, որ այս ընկերությունը ուղիղ աֆիլացված է ձեր հետ: Տիգրան Ավինյան, շատ ուղիղ հարց եմ քեզ տալիս, ինչպե՞ս է ստացվում, որ մայիսի 6-ին անցկացվում է մրցույթ մեկ անձի գնման ընթացակարգով և երևանցու հաշվին 120 դրամ ավելի թանկ գնով ձեռք է բերվում դիզվառելիք»,- նշել է Մանուկյանը:
