Skip to main content

Գեղամ Նազարյանը ներողություն կխնդրի. դատարանը պարտավորեցրել է | Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից. Նարեկ Կարապետյան | Սպասվում է անձրև. ջերմաստիճանը 3-5 աստիճանով կնվազի | ՏԵՍԱՆՅՈՒԹ. Վաղը պաշտոնապես կազդարարենք TRIPP նախագծի մեկնարկը․ Նիկոլ Փաշինյան | ՏԵՍԱՆՅՈՒԹ. Դավիթ Համբարձումյանը պատասխանում է ընտրողների հարցերին | Հայաստանի քարտեզը չի կարող ամբողջական համարվել, քանի դեռ ադրբեջանական զորքը գտնվում է մեր ինքնիշխան տարածքում. Մարիաննա Ղահրամանյան | Գրիշա Սարգսյանը Տաշքենդում ընթացող միջազգային մրցումներում 2 ոսկե մեդալ է նվաճել | Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն | Ըստ ՆԳՆ-ի՝ նոր սերնդի անձնագիրը Հայաստանի այցեքարտն է աշխարհում (Տեսանյութ) | Պռոշյան գյուղում «Mercedes»-ը բшխվել է գովազդային վահանակի երկաթե սյանը․ կան վիրավnրներ | Զինվորականի համազգեստը, ուսադիրները, պատիվը խայտառակ անողները դարձել են բանակի դեմքն ու հրաման տվողները․ Տիգրան Աբրահամյան | Երբ իշխանությունը քաղաքական առաջարկներ է ներկայացնում, լավն են, վատն են՝ կարևորը դա չէ, ֆորմալ ընդդիմությունը, բացի մերժելուց, պետք է իր քաղաքական առաջարկները ձևակերպի․ Վահե Հովհաննիսյան | Մայր Աթոռում տեղի է ունեցել շքանշանների հանձնման արարողություն | Հայաստանի ոչ մի ղեկավար երբևէ իրեն թույլ չի տվել ժողովրդի առջև հանդես գալ նման գռեhիկ պահվածքով. Լևոն Տեր-Պետրոսյանը՝ Փաշինյանի մասին | Դիմել եմ կոռուպցիայի կանխարգելման հանձնաժողով՝ պահանջելով ուսումնասիրել վարչապետի վարքագիծը և գնահատական տալ. Թագուհի Թովմասյան

Լրահոս

Ինձ համարում են ռուսամետ քաղաքական գործիչ, բայց ես հայամետ եմ․ Ռոբերտ Քոչարյան

Ինձ համարում են ռուսամետ քաղաքական գործիչ, բայց ես հայամետ եմ. ես միշտ վարել եմ հավասարակշռված արտաքին քաղաքականություն և փորձել եմ ոչ թե սրել ուժային կենտրոնների միջև առկա հակասությունները, այլ ընդհակառակը՝ գործել այն տիրույթում, որտեղ դրանք հարթվում են։ Այս մասին ռուսական ՌԲԿ-ին տված հարցազրույցում հայտարարել է երկրի երկրորդ նախագահ Ռոբերտ Քոչարյանը, որը գլխավորում է նաև «Հայաստան» դաշինքի պատգամավորության թեկնածուների համամասնական ցուցակը։

Անդրադառնալով հայ հասարակության մեջ Ռուսաստանի հանդեպ վերաբերմունքի վատթարացման մասին հարցին՝ նա խոստովանել է, որ իրավիճակն իսկապես զգալիորեն փոխվել է դեպի վատը։ Որպես գլխավոր պատճառ Քոչարյանը նշել է ակտիվ հակառուսական քարոզչությունը, որը հանրապետությունում վարվում է արդեն 15-20 տարի։ «Հայաստանի հանրային հեռուստաընկերությունն է կրում հակառուսական քարոզչության հիմնական բեռը»,- ընդգծել է նա՝ մատնանշելով նաև արտերկրից ֆինանսավորվող մեծաթիվ լրատվամիջոցներն ու հասարակական կազմակերպությունները։ Ռոբերտ Քոչարյանը նշել է, որ վերջին շրջանում այս քարոզչությունն ավելի արդյունավետ է դարձել, քանի որ Ղարաբաղի կորստից հետո ողջ մեղքը նպատակաուղղված կերպով բարդվել է Ռուսաստանի վրա։

Միևնույն ժամանակ, երկրի նախկին ղեկավարը հավելել է, որ Մոսկվան ինքն էլ է բաց թողել պահը, քանի որ իր առաջնահերթությունների մեջ կենտրոնացել էր Ուկրաինայի վրա։ «Ռուսաստանը «փափուկ ուժի» գործիքներին կարծես թե այնքան էլ լավ չի տիրապետում»,- պարզաբանել է Քոչարյանը։ Նրա գնահատմամբ՝ այսօր հայաստանյան հարթակում աշխարհաքաղաքական կենտրոնների միջև ազդեցության կոշտ պայքար է ընթանում, որտեղ եվրոպացիներն ու ամերիկացիներն անում են հնարավոր ամեն ինչ՝ Ռուսաստանին դուրս մղելու և նրան առավելագույնս ցավեցնելու համար։ «Հայաստանն այժմ կարծես սեփական նախաձեռնությամբ իրեն նետել է այս գործընթացի մեջ»,- հայտարարել է Քոչարյանը՝ հավելելով, որ շատ ավելի խելամիտ կլիներ չներքաշվել այս դիմակայության մեջ, այլ սպասել, մինչև անցնի աշխարհաքաղաքական այս փոթորիկը, որպեսզի հետո՝ նվազագույն կորուստներով, ընտրվի այն հուսալի նավահանգիստը, որը թույլ կտա ապահովել սեփական ժողովրդի անվտանգությունն ու բարօրությունը։ Քաղաքական գործիչը վստահություն է հայտնել, որ ՌԴ-ի հետ հարաբերությունների վատթարացման միտումը դեռ հնարավոր է շտկել, քանի որ, ի հեճուկս դեպի Եվրոպա գնալու ողջ հռետորաբանության, Հայաստանի իրական տնտեսական կախվածությունը ռուսական շուկայից միայն մեծացել է։ Երևանի ներկայիս կուրսը Քոչարյանը բնութագրել է որպես վտանգավոր աշխարհաքաղաքական «շպագատ»։ «Ողջ հռետորաբանությունը դեպի Եվրոպա է ուղղված, իսկ տնտեսությունն ու բիզնեսը՝ դեպի Ռուսաստան. դրա համար էլ կոչվում է շպագատ։ Դա շպագատ է, այո՛, քաղաքական, աշխարհաքաղաքական շպագատ»,- նշել է նախկին նախագահը։

Նա ընդգծել է, որ եթե երկիրը շարժվում է դեպի Եվրոպա, ապա պարտավոր է դրան համապատասխանեցնել ու կապել նաև իր տնտեսական շահերը։ Սակայն այսօր Երևանի արտաքին քաղաքականությունը որևէ ընդհանուր բան չունի պետության իրական բիզնես-շահերի հետ, որի համար ԵԱՏՄ շուկան մնում է բաց և զերծ խոչընդոտներից։ «Չմարզված մարդու համար «շպագատ» նստելը համապատասխան տեղում ջլերի պատռվածք է նշանակում։ Ինչի՞ համար»,- եզրափակել է Ռոբերտ Քոչարյանը։

Facebook
Twitter

Կարդացեք նաև

Տեսանյութեր

Մամուլ

Օրացույց

Նոյեմբերի 2026
Ե Ե Չ Հ Ու Շ Կ
 1
2345678
9101112131415
16171819202122
23242526272829
30