Պուտինի հետ խոսելուց 3 ժամ անց ամբողջ մրգերի արտահանման վրա սահմանափակում դրվեց: Այս մասին Տավուշում քարոզարշավի ժամանակ ասել է Ռոբերտ Քոչարյանը:
«Ինձ այստեղ գալուց ասում էին, որ գյուղարտադրանքի իրացման մեծ մտահոգություն կա: Հիմա անում են ամեն ինչ, որ մեր գյուղատնտեսությունը ունենա լրջագույն պրոբլեմներ: Երեկ փորձեցին հրճվանքով ասել՝ թե Ռուսաստանի նախագահը զանգեց, Փաշինյանի ծնունդը շնորհավորեց, ուրեմն վերջ, բոլոր հարցերը լուծված են, ուրեմն գյուղարտադրանքը կսկսի Հայաստանից հոսել դեպի Ռուսաստան և այլն:
Ուղիղ 3 ժամ հետո ամբողջ մրգերի վրա սահմանափակում մտցվեց, պետք է մերժել էդ 16 համարը, դա տոքսիկ բյուլետեն է: Մեր թիմը իսկապես կառուցողական թիմ է, մենք քանդող չենք, ես կյանքում քանդող չեմ եղել, մենք կառուցող ենք: Մեր քարոզարշավը թիմային քարոզարշավ է, մենք փորձում ենք ցույց տալ մեր թիմի բոլոր անդամներին, իրենց կարողությունները և շնորհքը»,- նշել է Քոչարյանը:
