Այսօր սահմանամերձ գոտում գույքարկը պետք է հանվի: Եթե մարդն ուզում է իր տղայի համար տուն կառուցի, պետք է երկու միլիոն էլ տրամադրեն, որ սահմանները չդատարկվեն: Գյուղացին սահմանամերձ գոտում բարիք ստեղծող է, սահման պահող է: Այս մասին Մասիսում, քարոզարշավի ժամանակ ասել է «Բարգավաճ Հայաստան» կուսակցության առաջնորդ Գագիկ Ծառուկյանը:
Նա նշել է, որ սահմանին ապրող գյուղացիները պետք է արտոնություններ ունենան:
«Այդ բոլորը մշակված է, մենք ունենք լավ թիմ, լավ մասնագետներ, ունենք ցանկություն: Եթե անհատ մարդը կարող է միլիարդատեր դառնալ, ամբողջ մի պետություն, իր հնարավորությամբ, իր ժողովրդով, եթե տեղին աշխատես, ի՞նչ է միլիարդ ստեղծելը, կազմակերպես, զարգացնես:
Ծառուկյանը ծրագիր է կազմել, որ այս երկիր 100 միլիարդ փող կգա տարեկան, դա հո Ծառուկյանինը չէ, բոլորինն է՝ տաքսիստինն էլ է, գյուղացունն էլ է, քաղաքացունն էլ է, աշխատողինն էլ է, ծառայողինն էլ է: Որ նմանատիպ երկու հատ էլ անենք՝ 200 միլիարդ, 250 միլիարդ, երկիրը ծաղկելու է, այնպես որ սպասեք լավ փոփոխությունների»,-ասել է Գագիկ Ծառուկյանը:
