Մեր թիմից չկա մի մարդ, որ հասկանա, թե ոնց են փող լվանում: Այս մասին Հակակոռուպցիոն դատարանի բակում լրագրողների հետ զրույցում ասել է «Ուժեղ Հայաստան» կուսակցության առաջնորդ Սամվել Կարապետյանը՝ անդրադառնալով իրեն վերագրվող փողերի լվացման թեմային:
«Իրենք ինչ են մեղադրում՝ իրենք էլ չգիտեն»,- նշել է Կարապետյանը:
Անդրադառնալով հարցին, թե արդյո՞ք հնարավոր է համարում ընտրությունների նախօրեին իր մերձավոր անձանց նոր ձերբակալությունները՝ Կարապետյանը պատասխանեց, որ ամեն ինչն էլ հնարավոր է համարում, բայց դա իրենց չի օգնելու:
Պատասխանելով հարցին, թե իշխանության վերարտադրվելու դեպքում պատրա՞ստ է արդյոք Սամվել Կարապետյանը որպես ընդդիմություն լինելուն՝ Կարապետյանը շեշտեց, որ դրանով կասկածի տակ են դնում իր հաղթանակը. «Այլ տարբերակ իրոք չկա, մենք հաղթելու ենք»:
