Հայաստանում Ռուսաստանի դեսպանատունը խորը վրդովմունք է հայտնել Գյումրիի «Մայր Հայաստան» հուշահամալիրի պղծման կապակցությամբ, որը նվիրված է Հայրենական մեծ պատերազմի հերոսներին;
Ռուսական կողմն այս քայլը որակել է որպես միտումնավոր հարձակում ընդհանուր պատմական հիշողության վրա։
«Խորը վրդովմունքով ընդունեցինք Գյումրիում Հայրենական մեծ պատերազմի հերոսներին նվիրված «Մայր Հայաստան» հուշահամալիրի պղծման մասին լուրերը։ Այս սրբապղծությունը չի կարող դիտարկվել որպես սովորական խուլիգանություն։ Խոսքը մեր ընդհանուր պատմական հիշողության վրա կանխամտածված հարձակման և մեծ հաղթանակը անարգելու փորձի մասին է։
Տեղի ունեցածի սուր մերժում ենք տեսնում Գյումրու քաղաքային իշխանությունների և հանրության կողմից։ Ակնկալում ենք Հայաստանի իշխանությունների կողմից տեղի ունեցածի հստակ գնահատական, ինչպես նաև սպառիչ միջոցներ ձեռնարկել մեղավորներին պատասխանատվության ենթարկելու և հետագայում նման սադրանքները կանխելու ուղղությամբ»,- ասվում է հաղորդագրությունում։
