Իսրայելի պաշտպանության բանակը (ՑԱԽԱԼ) չի լքի Լիբանանի հարավում գտնվող անվտանգության գոտին, նույնիսկ եթե ԱՄՆ-ն դա պահանջի: Այս մասին չորեքշաբթի հայտարարել է Իսրայելի պաշտպանության նախարար Իսրայել Կացը, փոխանցում է ՌԻԱ «Նովոստին»:
«Նույնիսկ եթե ամերիկյան պահանջ լինի, մենք չենք հեռանա Հարավային Լիբանանից։ Լիբանանի 200 հազար բնակիչ չի վերադառնա: Ոչ բնակիչներ, ոչ ահաբեկիչներ: Ինչու: Քանի որ նախկինում անվտանգության գոտիներում, որտեղ նույնպես բնակվում էր քաղաքացիական բնակչություն, պայթյուններ ու ահաբեկչություններ էին տեղի ունենում զինվորների դեմ, ուստի մենք դա թույլ չենք տա»,-հայտարարել է Կացը:
