Ափսոսում եմ, որ Ալեն Սիմոնյանը մանդատը չի վերցնում, որովհետև արտահերթ ընտրություններից հետո, երբ պարոն Սիմոնյանը դարձավ ԱԺ նախագահ, ինքը այնուամենայնիվ իր պարտականությունների մեջ չի թերացել որպես քաղաքական օրակարգի սպասարկող: Այս մասին լրագրողների հետ զրույցում ասել է Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
«Ափսոսում եմ, որովհետև անկախ այն վայրիվերումներից, որ տարբեր ժամանակաշրջանում ԱԺ-ում տեղի ունեցան, շահարկվեցին իմ և պարոն Սիմոնյանի միջև հարաբերությունները, բայց մենք միասին ճանապարհ անցանք»,- նշել է Քոչարյանը:
Հիշեցնենք, որ ԱԺ նախագահ Ալեն Սիմոնյանը հրաժարվում է պատգամավորական մանդատից, այդ մասին նա հայտարարել էր երեկ՝ ճեպազրույցի ժամանակ:
