Տնտեսությունը փշրելուն ուղղված այդ գործընթացը լի է լինելու բազմաթիվ վտանգավոր հետևանքներով, տասնյակ հազարավոր մարդիկ դարձել են գործազուրկ: Այս մասին լրագրողների հետ զրույցի ընթացքում ասել է ԲՀԿ մամլո խոսնակ Իվետա Տոնոյանը:
«Ահազանգեր ենք ստանում ստեղծված իրավիճակի հետ կապված, քանի-որ նախօրեին տասնյակ ընկերություններ կապարակնքվել են, 10,000 ավելի աշխատակիցներ մատնվել են հարկադիր պարապուրդի, տնտեսության ողնաշարը կոտրելու հետևողական այս նախաձեռնությունը չեմ հասկանում, թե որքանով է հարմար, չնայած՝ հասկանում եմ, որ քաղաքական վրեժխնդրությունից դրդված ցանկացած գնով նպատակին հասնելու անհագուրդ ու մեծ ցանկություն ունեն ներկա իշխանությունները: Երեկ ուշ երեկոյան դադարեցվել է նաև «Փարավոն» ռեստորանի գործունեությունը, իսկ այնտեղ հարսանիքների ամրագրումներ կային:
Երբ հայտարարվեց, որ պարոն Ծառուկյանը ընդհանուր իրավասության դատարանի Ավանի նստավայր է տեղափոխվում, որպեսզի այստեղ կալանքի միջնորդության հարցը քննարկվի, մի քանի ժամ դատարանի բակում սպասելուց հետո մեզ նոր տեղեկացրեցին, որ նիստը իրականացվելու է առավոտյան ժամը 9-ին: Չեմ հիշում որևէ գործ, որ այս կարգի դատարկ, մտացածին ու ուրճացված լինի: Հիմա նիստը ընթացքի մեջ է, նախատեսված ժամից ավելի ուշ է մեկնարկել, փաստաբանները պարբերապար պարզաբանումներ կներկայացնեն»,- նշել է Տոնոյանը:
