Գագիկ Ծառուկյանի մամուլի խոսնակ Իվետա Տոնոյանը խնդրահարույց է համարում տարածված այն տեղեկատվությունը, թե Ծառուկյանին պատկանող տարածքից կենդանիներ են առգրավվել։ Ըստ նրա՝ կենդանիների պահման համար ապահովված են եղել Հայաստանում լավագույն պայմանները, որոնք լիովին համապատասխանել են սահմանված նորմերին։
Լրագրողների հետ զրույցում Տոնոյանն ասաց, որ գործընթացն եղել է ամբողջովին օրինական դաշտում.
«Բոլոր կենդանիների հետ կապված առկա են եղել բոլոր տեսակի թույլտվությունները, պահպանման վայրը, պայմանները բոլորը համապատասխանել են նորմերին»։
Անդրադառնալով որսի թեմային՝ խոսնակը նշեց, որ ցանկացած մարդ ունի նախասիրություններ, և օրենքով արգելված չէ թույլատրելի վայրերում ու պայմաններում որս իրականացնելը։
