Վերադարձի իրավունքը պետք է ապահովվի փոխադարձաբար, այդ թվում՝ Արևմտյան Ադրբեջանի համայնքի ներկայացուցիչների համար. այս մասին, ինչպես հաղորդում է ԱՊԱ-ն, հայտարարել է Ադրբեջանի նախագահ Իլհամ Ալիևը՝ ի պատասխան Կանադայի դեսպանի՝ վերադարձի իրավունքի վերաբերյալ մեկնաբանությանը։
Ալիևը պնդել է, թե անցած դարում բնիկ ադրբեջանական բնակչությունը տարբեր փուլերում, վերջինը՝ 1988 թվականին, ենթարկվել է էթնիկ զտումների Հայաստանի տարածքում, իսկ նրա նյութական և մշակութային ժառանգությունն ամբողջությամբ ոչնչացվել է։
Նշենք, որ Ադրբեջանը 2020-ի արցախյան պատերազմից հետո ակտիվ շրջանառում է նախկինում Հայաստանում բնակված ադրբեջանցիներին միավորող, այսպես կոչված, Արևմտյան Ադրբեջանի համայնքի և դրա ներկայացուցիչների՝ ՀՀ վերադառնալու իրավունքի թեզը:
