Կանխատեսվում է, որ 2024 թվականի վերջում պարտք-ՀՆԱ հարաբերակցությունը կլինի 49.8 տոկոս, լրագրողների հետ զրույցում ասաց Ֆինանսների նախարար Վահե Հովհաննիսյանը։ 2025 թվականի վերջում, նրա խոսքով, ակնկալվում է 53.5 տոկոս։ ՀՀ պետական պարտքն այս պահի դրությամբ 5 տրիլիոն դրամ է։ Վահե Հովհաննիսյանի խոսքով՝ պետական պարտքի բացարձակ մակարդակը էական չէ, էական է դրա համեմատությունը ՀՆԱ-ի հետ։ «Պետական պարտքը կարող է ավելանալ ու պակասել՝ տարբեր կարիքներից ելնելով»,- նշեց Ֆինանսների նախարարը՝ ընդգծելով, որ կառավարությունն ամեն ամիս նոր պարտք է վերցնում։
