ՀՀ քաղաքացիություն ստացած արցախցիների թիվն ավելացել է

ՀՀ քաղաքացիություն ստացած արցախցիների թիվը 2 շաբաթում ավելացել է 202-ով։ Այս մասին են վկայում ՀՀ ներքին գործերի նախարարության տվյալները, որոնք Ազգային ժողովում ներկայացրեց ՆԳՆ փոխնախարար Արփինե Սարգսյանը։ «Քաղաքացիության համար այս պահին դիմել է շուրջ 5,600 անձ, որնցից քաղաքացիություն է շնորհվել 3,611-ին։ Այս թիվը աճի միտում ունի` հաշվի առնելով կառավարության կողմից վարվող քաղաքացիությունը»,– ասաց Սարգսյանը։ Նա ասել է, որ ժամանակավոր պաշտպանության վկայական է ստացել Լեռնային Ղարաբաղից բռնի տեղահանված 113 հազար 635 անձ, իսկ հաշվառվել են 99, 091-ը։