Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործում: Այս մասին ԱՄՆ Սենատի արտաքին հարաբերությունների հանձնաժողովի անդամ, Եվրոպայի և տարածաշրջանային անվտանգության համագործակցության ենթահանձնաժողովի նախագահ, սենատոր Սթիվ Դեյնսի հետ հանդիպման ժամանակ ասել է Ադրբեջանի նախագահ Իլհամ Ալիևը, հաղորդումմ են ադրբեջանական ԶԼՄ-ները:
Ալիևը հայտարարել է, որ Դոնալդ Թրամփի հետ իր անձնական հարաբերությունները գտնվում են բարձր մակարդակի վրա և ընդգծել է, որ Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործում։
Իլհամ Ալիևը, ընդգծելով, որ Դոնալդ Թրամփի՝ ԱՄՆ նախագահ երկրորդ անգամ ընտրվելուց հետո համագործակցության և փոխադարձ վստահության վրա հիմնված երկկողմ հարաբերությունները հաջողությամբ զարգանում են, նշել է, որ կապերը բարձրացել են ռազմավարական գործընկերության մակարդակի, և որ դա շատ կարևոր է ԱՄն-ի և Ադրբեջանի, ինչպես նաև տարածաշրջանի համար։
