Լողորդ Հովհաննես Գաբրիելյանը երկարությամբ անցել է Սևանա լիճը՝ լողալով 74 կմ: Այս մասին նա հայտնել է սոցցանցում։
Նշենք, որ «մարաթոնի» մեկնարկը տրվել էր սեպտեմբերի 12-ի երեկոյան՝ 19:45 Ծովակ գյուղի ափից։
Շուրջ 36 ժամ ջրում անցկացնելով՝ լողորդն այսօր առավոտյան 6-ին հասել է Ծովագյուղի Փիրուզե լողափ։
Հավելենք, որ Հովհաննեսը նման փորձ մի քանի անգամ է արել՝ անցյալ տարի և այս տարի՝ ամիսներ առաջ, սակայն նպատակակետին չէր հասել:
Սևանա լիճը երկարությամբ անցնելու փորձեր նախկինում արել են նաև այլ լողորդներ, բայց հաջողության չէին հասել:
