Ես ձեր համար վաշխառու չեմ, ինձ ու՞մ տեղն եք դրել, ես ՀՀ վարչապետն եմ: Այս մասին ճեպազրույցի ժամանակ ասել է Նիկոլ Փաշինյանը՝ պատասխանելով լրագրողի հարցին՝ «88» սուպերմարկետի սեփականատեր Նարեկ Նալբանդյանի և այն պատմության մասին, թե Կենտրոնական բանկից «Ամիո» բանկ զանգահարում են, ու ակնարկելով Կառավարության վերնախավին հորդորում Նարկ Նալբանդյանին վարկ տալ:
«Բանկի և մյուսի հետ կապված իրավիճակներին ես տեղյակ չեմ, ու ինձ չի էլ հետաքրքրում, ես այստեղ վարկ տալով-ստանալով չեմ զբաղված, եթե կլինի մեկը, ով կպնդի, որ ես դրա հետ որևէ կապ ունեմ, ես նրան դատի կտամ ու կապացուցեմ հակառակը, ինչպես նաև մեծ դրամական փոխհատուցում կպահանջեմ:
Բաց մարտահրավեր եմ նետում՝ ով ուզում է նման պնդում անել, թող անի, որևէ մեկը չի կարող ապացուցել իր ասածը, իսկ ես իմ ասածը կապացուցեմ: Մի արեք փորձեր ինձ քաշելու «մերկանտիլ» խոսակցության մեջ, ես ձեզ համար վարկ տվող վարկ ստացող չեմ, չգիտեմ, թե ինձ ում հետ եք խառնում, ես ՀՀ-ի վարչապետն եմ, և լուրջ եմ վերաբերվում այդ կարգավիճակին, ձեզ նույնպես խորհուրդ եմ տալիս լուրջ վերաբերվել:
Այդ մանր-մունր թալանների հետ ես պարտավորություն ունեմ Հայաստանի ժողովրդի առաջ, բոլոր թալանչիները պետք է պատասխանատվության ենթարկվեն, նախկին կամ ներկա ինձ համար տարբերություն չկա»,- նշել է նա:
