Ուկրաինան, որը երեք տարուց ավելի է՝ դիմակայում է Ռուսաստանի ռազմական ներխուժմանը, կկարողանա շարունակել հույսը դնել Գերմանիայի վրա։ Այսպիսի հայտարարություն է արել Գերմանիայի փոխկվարչապետ և ֆինանսների նախարար Լարս Քլինգբեյլը երկուշաբթի՝ օգոստոսի 25-ին, չնախատեսված այցով Կիև ժամանելուց հետո։ Այս մասին հայտնում է DW լրատվական գործակալությունը։
«Ռուսաստանի նախագահ Վլադիմիր Պուտինըչպետք է պատրանքներ ունենա, որ մեր աջակցությունն Ուկրաինային կարող է թուլանալ: Բեռլինը մնում է Ուկրաինայի երկրորդ ամենամեծ աջակիցը աշխարհում և ամենամեծը Եվրոպայում», — հավելել է նա:
«Երեքուկես տարի շարունակ «անհավանական տառապանքներ, մահ և ավերածություններ են տիրել Ուկրաինայում», — նշել է Լարս Քլինգբեյլը՝ ընդգծելով, որ երկիրն այս ամբողջ ընթացքում «քաջաբար և վճռականորեն» դիմադրել է հարձակումներին։
«Ոչ ոք խաղաղության այնքան չի ձգտում, որքան ուկրաինացիները»,-նշել է Գերմանիայի փոխկանցլերը՝ հավելելով, որ խաղաղության բանակցությունները «չեն կարող վարվել ուկրաինացի ժողովրդի հաշվին»։
